Tanınmış erməni jurnalist Qərb mediasına meydan oxudu
Rusiyanın “RT” telekanalının redaktoru Marqarita Simonyan Qərb mətbuatını sərt tənqid edib.
“Ölkə.Az” xəbər verir ki, o, bu barədə Rusiya mətbuatında yazıb. Onun sözlərinə görə, Qərb Rusiya mətbuatına təzyiqlər edir.
“Qərb bizim mətbuata təzyiqlər edir. Onlar söz azadlığını boğurlar. Bizi məcbur etmək istəyirlər ki, Qərb mətbuatı kimi işləyək. Onlara tabe olmuruq və beynəlxalq qanunlar çərçivəsində, söz azadlığından istifadə edirik. Bu səbəbdən də, kanalımızı bağlayırlar. Mən Qərb jurnalistikasını keçmiş Sovet mətbuatına bənzədirəm. Söz azadlığı boğulur, senzuraya məruz qalırıq”, - deyə Marqarita Simonyan bildirib.
Qeyd edək ki, ABŞ hökuməti “RT America” kanalını xarici cəsusluqda ittiham edir. Amerika Ədliyyə Nazirliyi telekanala birinci günə qədər vaxt qoyub.
Ziya Səccad
Ölkə.Az
