Sakit və təhlükəli virus

Bir çox viruslar insan orqanizmində illərlə sakit qalaraq, böyük fəsadların yaranmasına səbəb olurlar.

Qadın orqanizmində çox rast gəlinən və demək olar ki, son dövrün ən aktual probleminə çevrilən viruslardan biri də mikoplazmalardır.

Mikoplazma həm qadınlarda, həm də kişilərdə rast gəlinən mikrobdur. Mikoplazmanın 15-dən çox növü var. Onlar arasından yalnız üçü insan orqanizmi üçün təhlükəlidir. O, bilinən ən kiçik təkhüceyrədir. Mikoplazma cinsi yolla keçən xəstəliklər növünə aiddir. Əsasən, sakit formada, heç bir əlamət büruzə vermədən inkişaf edir. Mikrobu daha çox hamiləlik vaxtı aşkar etmək mümkündür.

Müasir dövrdə qadın və kişilərin 75 faizində mikoplazma virusuna rast gəlinir.
Axşam.az xarici mətbuata istinadən virusun əlamətlərini və yaranma səbəblərini təqdim edir:

Virusun əlamətləri:
· Hərarətin hərdən yüksəlməsi.
· Qarnın aşağı hissələrində ağrılar.
· Sidik ifrazatı zamanı göynəmə.
· Cinsi əlaqə zamanı ağrılar.
Mikrobun yaranma səbəbləri:
Mikoplazma yoluxmuş şəxslə qorunmasız cinsi əlaqə zamanı ötürülür.
Natəmizlik.
İmmunitetin aşağı olması.
Soyuqdəymə.
Anadan uşağa.
Orqanların köçürülməsi zamanı.
Mikrobun dəhşətli fəsadları:
· Sonsuzluq
· Hamiləliyin vaxtından tez pozulması
· Böyrək iltihabı
· Sidik kanallarının iltihabı
· Yumurtalıqların zədələnməsi
Diaqnoz:
Özündə bu hallardan birini müşahidə etdikdə dərhal həkimə müraciət etmək lazımdır. Erkən diaqnoz mikrobun tez bir zamanda aradan qaldırılmasına kömək edəcək. Mikoplazmanın ən dəqiq diaqnozu PZR vasitəsilə qoyulur.
Müalicəsi:
Xəstəliyin başlanğıc dövrlərində antibiotiklərlə müalicə effektli olur.