Lukaşenko NATO-nun möhkəmlənməsindən narahatdır

Lukaşenko NATO-nun sərhəddə olmasından narahatdır.

Ölkə.Az BELTA-ya istinadən xəbər verir ki, Belarusun prezidenti Aleksandr Lukaşenko NATO-nun ölkənin sərhədlərində möhkəmlənməsindən narahat olduğunu bildirib.

Lukaşenko Təhlükəsizlik şurasının iclasına çıxış edərkən, NATO-nun qərb sərhədlərində mövqelərini möhkəmləndirməsindən narahatlığını ifadə edib.

Ölkə başçısı Belarus ətrafında mühitin tamamilə dəyişdiyini və təkcə mübarizənin yox, həm də müharibənin də formalarının transformasiyaya məruz qaldığına diqqət yetirib.

"Fikrimcə, müasir tarixdə hərb işinə baxışlar bu cür radikal və sürətlə dəyişməmişdi. Heç vaxt münaqişələr bu cür gözlənilmədən və sürətlə inkişaf etməmişdi. Təəssüf ki, bu bizim yaşadığımız və təkcə reaksiya verməyə məcbur olduğumuz yox, həm də müvafiq nəticə və addımlar atmağa məcbur olduğumuz reallıqdır", - deyə prezident bildirib.

Rəşid Mustafazadə

Ölkə.Az