Talibançılar 126 məktəblini qətlə yetirdilər

"Taliban" üzvləri məktəbliləri güllələdilər.

Ölkə.Az ABŞ mətbuatına istinadən xəbər verir ki, "Taliban" terror təşkilatının üzvləri düzülüş zamanı məktəblilərə atəş açıblar. Bildirilir ki, Pişəvərdə yerləşən məktəblərdən birinə hücum nəticəsində, çoxu uşaq olmaqla, 126 nəfər dünyasını dəyişib.

Faciəvi hadisə bu gün səhər, Pakistan ordusunun maliyyələşdirdiyi məktəbin həyətində düzülüş zamanı baş verib. 5 və ya 6 nəfər silahlı şəxs məktəbin ərazisinə daxil olaraq, müəllim və şagirdləri girov götürüblər. Bundan sonra terrorçular hamıya atəş açmağa başlayıblar. Terrorçular sonda özlərini partladıblar.

Hərbi mətbuat xidmətinin məlumatına görə, sözügedən hücum ordunun həyata keçirdiyi əməliyyata cavab olaraq təşkil olunub. Qeyd edək ki, son həftələrdə Vəziristan və Haybere vilayətlərində gedən döyüşlərdə yüzlərlə "Taliban" döyüşçüsü qətlə yetirilmişdi.

Rəşid Mustafazadə

Ölkə.Az