Rusiyanın "Gazprom" şirkəri ixtisarlara başladı

"Gazprom" işçi personalında 25%-lik ixtisarlar aparacaq.

Ölkə.Az İnterfaks agentliyinə istinad edərək xəbər verir ki, Rusiyanın "Gazprom" şirkəti işçi heyətində irimiqyaslı ixtisarlara başlamaq fikrindədir. Bildirilir ki, müzakirə olunan ixtisarların həcmi 15%-dən 25 %-ə qədər təşkil edəcək.

İnterfaksa danışan şirkət əməkdaşları bildiriblər ki, konsernin bölmələrinə ilin sonuna qədər yeni ştat rejimini, növbəti ilin sonunadək isə yeni kadr konfiqurasiyalarını həyata keçirmək tapşırığı verilib.

2013-cü ildə "Gazprom"-un işçilərinin orta statistik sayı 459,5 min nəfər təşkil edib. Son 3 ildə isə işçi heyətinin sayı 4,7%, rəhbər heyət isə 8% artmışdı.

Xatırladaq ki, "Gazprom" şirkəti sonuncu dəfə ixtisarları 2008-ci ildə həyata keçirmişdi. İxtisarların nəticəsində 2009-cu ildə işçi heyətinin orta sayı 16% azalmışdı.

Rəşid Mustafazadə

Ölkə.Az