Rublun düşməsində günahkar kimdir?

"Rosneft"-in başçısı rublun düşməsində günahkarları tapıb.

Ölkə.Az Rosbalt agentliyinə istinadən xəbər verir ki, "Rosneft"-in başçısı İqor Seçin şirkətin rublun düşməsində günahkar olduğu haqqında yayılan xəbərləri təxribat adlandırıb.

"Bu şayiələri yayan şəxslərə diqqət yetirmək lazımdır. İdarələrdə bir üsul var - diqqəti yararsız obyektə yönləndirmək. Hazırki vəziyyətdə bu üsul müəyyən maraqlı qüvvələrin qarşıya qoyduqları əsas məqsədi reallaşdırmağa imkan verir. Bu halda yararsız obyekt rolunda "Rosneft" şirkətidir", - deyə Seçin qeyd edib.

Onun fikrincə, təxribatçılarla münasibətləri aydınlaşdırmaq lazımdır.

"Kimdir bu insanlar? Navalnıylar, Nemtsovlar və Kudrinlər kimdirlər və onlar kimlərin məqsədlərini reallaşdırırlar?" - deyə şirkət rəhbəri əlavə edib.

Rəşid Mustafazadə

Ölkə.Az