Amerikalı qadın diplomat güllələndi
ABŞ-ın Braziliyadakı vitse-konsulu Stefani Masland Bolen güllələnib.
“Ölkə.Az” xəbər verir ki, bu barədə “Globo” telekanalı məlumat yayıb. Verilən məlumata görə, xanım Stefani Rio-de-Janeyro ştatında Anqra-dus-Reys kurort şəhərinə gedən zaman hücuma məruz qalıb. Onun avtomobilini naməlum şəxslər təqib ediblər. Maşın dayanan zaman naməlum şəxslər ona hücum ediblər. Diplomat qadını qarət etmək istəyiblər. Stefani Masland onlara müqavimət göstərib. Nəticədə atəş açılıb.
Hadisə zamanı maşında diplomatın yanında olan həyat yoldaşı zərər çəkməyib. Konsul müavini xəstəxanaya yerləşdirilib, onun vəziyyəti barədə məlumat yoxdur.
Ziya Səccad
Ölkə.Az
