Məşhur alış-veriş saytında bütün mallar 1,5 sentə olub

Amazon saytında malların qiymət görünməmiş səviyyədə düşüb.

Ölkə.Az "The Belfast Telegraph"-a istinad edərək xəbər verir ki, dünyanın ən iri internet alış-veriş saytı olan "Amazon"-un Britaniya bürosunda baş verən texniki nasazlıq baş verib. Texniki problem nəticəsində əksər malların qiyməti 1,5 sentə düşüb.

The Guardian qəzeti yazır ki, ötən cümə günü bir saat ərzinə çoxlu sayda sifarişlərin olması minlərlə məhsulun dəyərsizləşərək satılmasına gətirib çıxarıb. Bildirilir ki, artıq bəzi mağazalar ağır itkilərlə üzləşiblər. Məhsullarını onlayn alış-veriş saytına yerləşdirən satıcılar bayramqabağı qorxu keçiriblər.

Hadisədən sonra mütəxəssislər qeyd ediblər ki, bu cür vəziyyət qiymətlərin müəyyənləşdirilməsini təmin edən avtomatlaşdırılmış proqram təminatının özündə ehtiva etdiyi təhlükədən xəbər verir.

Rəşid Mustafazadə

Ölkə.Az