Misirdə həlak olanların sayı durmadan artır
Misirin Sinay yarımadasının şimalında ötən gün baş vermiş terror aktı nəticəsində həlak olanların sayı 305 nəfərə çatıb.
“Ölkə.Az” xəbər verir ki, bu barədə “Sina” agentliyi məlumat yayıb. Verilən məlumata görə, həlak olanlardan 27 nəfəri uşaqdır. Hadisə zamanı 130-dan çox insan xəsarət alıb. Bundan əvvəl isə ölənlərin sayının 235 olduğu bildirilirdi.
Qeyd edək ki, noyabrın 24-də Misirin Sinay yarımadasında məsciddə dəhşətli partlayşı baş verib. Hücum Al-Rauda kəndindəki məsciddə cümə namazı vaxtı baş verib. Kənd Əl-Əriş şəhəri yaxınlığında yerləşir. Terrorçular kütləyə atəş açıblar və bir neçə partlayıcı qurğunu işə salıblar. Məsciddən daha çox sufilərin istifadə etdikləri də vurğulanıb.
Misir prezidenti Əbdülfəttah əs-Sisinin müdafiə, daxili işlər və təhlükəsizlik nazirləri ilə müşavirə keçirəcəyi bildirilir.
Ziya Səccad
Ölkə.Az
