Ermənistanda ən dəbdə olan söz

Ermənistanda milli valyutanın - dramın dəyəri bu gün son bir il ərzində ən aşağı səviyyəyə düşüb.

Gün ərzində 1 dolların qiyməti 550-520 dram arasında dəyişib. Son bir ayda Ermənistan valyutasının qiyməti 25 faiz ucuzlaşıb. 

Ən bərbadı isə dövlətin güclənən dolları xalqdan gizlətməsidir. Hazırda puldəyişmə məntəqələrində yalnız dolları drama dəyişmək olar. Dollar almaq istəyənlər isə simvolik “dollar yoxdur” cavabı eşidir. Banklar dollar və avro satışını açıq şəkildə dayandırıb.

Lakin acınacaqlı vəziyyət bununla da bitmir. Dramın düşməsi paytaxt İrəvanın mağazalarında da çaxnaşma yaradır. Mağaza sahibləri qiymətləri vaxtaşırı dəyişməyə məcbur olduqlarından nə edəcəklərini bilmir. Bəzi mağazalar isə ziyana düşməmək üçün müəyyən növ malların, məsələn, qəndin və şəkər tozunun satışını məhdudlaşdırır və yaxud tamamilə dayandırıblar.

Ölkədə bir çox şirniyyat məhsullarının satışı tamamilə dayandırlıb. Məişət texnikası mağazalarında malların üstündən qiymət kağızları götürülüb və yeniləri ilə əvəzlənməyib.

Satıcılar ya malı satmaqdan imtina edir, ya da mütəmadi olaraq qiymətləri dəyişdirirlər.

Qeyd edək ki, anoloji vəziyyət keçmiş “sovet ölkəsi”nin sonlarında da yaşanmışdı. Ermənilərin bugünki seçimi və siyasəti isə onları irəli yox, lap keçmişə aparır. (anspress)

Ölkə.Az