19 yaşlı qız 10 il zindanda dəhşətli işgəncələrə məruz qalıb
"Ölkə.Az" xəbər verir ki, 52 yaşlı Aloisi Fransesko Rosario həbs edildikdən sonra üzə çıxan həqiqət şok effekti yaradıb. Məlum olub ki, Fransesko ölümcül xəstə olan arvadına yardım üçün gələn 19 yaşlı rumın qızı zindan kimi bir otağa həbs edib. 10 il müddətində zəncirlədiyi qıza təcavüz və işgəncə edib.
Siçanların basdığı və elektrik enerjisinin olmadığı otaqda tualet əvəzinə vedrələrdən istifadə edilib. Zorlanan qadının iki uşağı var. Bunlardan biri 9 yaşlı oğlan, digəri isə 3 yaşlı qız uşağıdır. İddiaya görə, 9 yaşlı oğlan atası ilə birlikdə anasını döyüb.
Polis məmurları Fransesko tərəfindən gəzintiyə çıxarılan uşaqlardan birinin həddindən artıq bərbad geyimdə olduğunu görüb və uşağın harada yaşadığını öyrənmək istəyib. Bu zaman dəhşətli həqiqətlər üzə çıxıb.
Hikmət Həsənov
Ölkə.Az
