Corc Buşun qardaşı prezident ola bilər

Buş ailəsi üçüncü dəfə ABŞ-ı idarə edəcək.

Ölkə.Az TASS agentliyinə istinadən xəbər verir ki, Corc Buşun qardaşı prezident seçkilərinə qatılmaq fikrindədir.

Florida ştatının keçmiş qubernatoru və ABŞ-ın sabiq prezidentinin qardaşı Ceb Buşun nümayəndəsi bildirib ki, məsələ ilə bağlı yekun qərar gələn il veriləcək. Ceb Buş şəxsi Facebook səhifəsində yazıb ki, prezident seçkilərinə qatılmaq və ABŞ vətəndaşları ilə ölkənin perspektivləri və problemlərini müzakirə etməyi planlaşdırır.

Qeyd edək ki, Ceb Buş seçkilərdə qalib olduğu halda Buş ailəsi ABŞ tarixində müxtəlif vaxtlarda ölkəni idarə etmiş ilk ailə olacaq.

Rəşid Mustafazadə

Ölkə.Az