Ərdoğanın Trampın Qüds bəyanatına cavabı
ABŞ prezidenti Donald Trampın Qüdsü İsrailin paytaxtı kimi tanıyacağı barədə bəyanatı sərt reaksiyalara səbəb olub.
"Ölkə.Az" xəbər verir ki, Türkiyə prezidenti Rəcəb Tayyip Ərdoğan "İsrail ilə diplomatik əlaqələri kəsə bilərik"-deyib.
Tramp ABŞ-ın səfirliyini sabah (6 dekabr) Tel-Əvivdən Qüdsə köçürəcəyini iddia edib. Bu iddiaya Ərdoğan da səssiz qalmayıb.
Partiyanın parlament qrup iclasında çıxış edən prezident bildirib ki, Qüds müsəlmanların qırmızı xəttidir.
Tramp Qüdslə bağlı addım atsa, İslam Əməkdaşlıq Təşkilatı liderlərinin zirvə görüşünü İstanbulda keçirə bilər.
Ərdoğan deyib: "İslam Əməkdaşlıq Təşkilatının sədri kimi bu mövzunu izləyirik.
Əgər belə bir addım atılsa, 5-10 gün ərzində İƏT liderlərinin zirvə görüşünü İstanbulda keçirəcəyik.
Bu məsələ bizim İsrail ilə diplomatik münasibətləri kəsməyə qədər gedə bilər".
Hikmət Həsənov
Ölkə.Az
