Trampın təcili zəngi Mahmud Abbası narahat edib

“Ölkə.Az” xəbər verir ki, bu barədə Fələstin hökuməti məlumat yayıb. Verilən məlumata görə, telefon danışığı Mahmud Abbasın təşəbbüsü ilə reallaşıb.

Danışıq zamanı Tramp fələstinli həmkarına bildirib ki, ABŞ-ın İsraildəki səfirliyi Tel-Əvivdən Qüdsə köçürüləcək.

“Fələstin lideri Mahmud Abbas bu gün ABŞ prezidenti Donald Trampla telefonla əlaqə saxlayıb. Telefon bağlantısı Amerika rəhbərinin iradəsilə baş tutub. Danışıq zamanı Tramp bildirib ki, ABŞ-ın İsraildəki səfirliyi Tel-Əvivdən Qüdsə köçürüləcək. Öz növbəsində, prezident Abbas bu cür addımın ciddi fəsadlarla nəticələnəcəyi haqqında ABŞ liderini xəbərdar edib. O, bildirib ki, qərar bölgədə və dünyada təhlükəsizliyin və sabitliyin pozulmasına gətirib çıxaracaq”, - deyə məlumatda bildirilib.

Ziya Səccad
Ölkə.Az