"ABŞ Rusiya üçün dövlət çevrilişi hazırlayır"

Rusiya Federasiyasının xarici işlər naziri Sergey Lavrov bəyan edib ki, ABŞ sanksiyalar vasitəsilə Rusiyada hakimiyyət rejiminə nail olmaq istəyir.

Ölkə.Az-ın verdiyi xəbərə görə, Lavrov France 24 telekanalına verdiyi müsahibədə bəyan edib ki, ABŞ sanksiyaların tətbiqi ilə Rusiyada destabilləşdirmə və rejim dəyişikliyinə nail olmaq arzusundadır.

"Məndə bunun bu cür olduğunu düşünmək üçün ciddi səbəblər vardır. Bəzi siyasətçilət bunu hətta gizlətmirlər. ABŞ-ın vitse-prezidenti Cozef Baydenin özünün dediyi kimi, məhz ABŞ Avropaya Rusiyaya qarşı yönəlmiş sanksiyalara qoşulmağı əmr etmişdi. Təəssüf ki, bütün bu illər ərzində biz Avropa İttifaqı və hətta ayrı-ayrı iri Avropa ölkələrinin müstəqilliyini düzgün qiymətləndirə bilməmişik. Bu geosiyasətdir", - deyə Lavrov bildirib.

Nazirin sözlərinə görə, Rusiya Qərbin sanksiyalarına tab gətirməklə yanaşı, həm də bundan sonra daha da güclənəcək. Sergey Lavrov xatırladıb ki, Rusiya tarix boyu bundan qat-qat ağır vəziyyətlərdə olub və hər dəfə çətinliklərdən daha güclü çıxmağı bacarıb.

Rəşid Mustafazadə

Ölkə.Az