ABŞ 50 il sonra Kuba ilə münasibətləri normallaşdırdı

ABŞ lideri bunun tarixi hadisə olduğunu etiraf edib.

Ölkə.Az "The Guardian"-a istinadən xəbər verir ki, ABŞ prezidenti Barak Obama rəsmi şəkildə Kuba ilə münasibətlərin normallaşdırıldığını bəyan edib.

"Bu, 50 ildən artıq müddət ərzində bizim siyasətdə olan ən önəmli dəyişiklikdir. Biz maraqlarımızın irəliləməsinə onilliklər ərzində əngəl olan köhnəlmiş yanaşmadan qurtulacağıq. Bunun əvəzində biz ölkələrimiz arasında münasibətləri normallaşdırmağa başlamaq fikrindəyik. Mən embarqonun götürülməsi ilə bağlı konresslə dürüst və ciddi müzakirə aparmağa hazıram. Biz uzun illər Kubanın üzərindən iqtisadı blokadanın götürülməsinə təkid etmişik. Bu baş verərsə, biz sevinərik", - deyə Obama bildirib.

Əvvəllər ABŞ dəfələrlə Kubada insan haqlarına riayyət olunması və digər dövlətlərlə hərbi əməkdaşlıqdan imtina edilməsi müqabilində ölkəyə qarşı diskriminasiya xarakterli iqtisadi tədbirlərə son qoyulacağını vəd etmişdi.

Rəşid Mustafazadə

Ölkə.Az