Polşanın yeni baş nazirinin kimliyi məlum oldu
“Ölkə.Az” xəbər verir ki, Polşa prezidenti Andjey Duda baş nazirin müavini, maliyyə naziri Mateuş Moravetskini ölkənin baş naziri təyin edib. 49 yaşlı M.Moravetskinin namizədliyi hakim “Hüquq və Ədalət” partiyası tərəfindən irəli sürülüb. M.Moravetski Avropaya inteqrasiya tərəfdarı kimi tanınır.
Qeyd edək ki, dünən Polşanın Baş naziri Beata Şidlo istefa verib. Bu barədə hakim “Hüquq və ədalət” partiyasının mətbuat katibi Beata Mazurek jurnalistlərə açıqlamasında bildirib. Onun sözlərinə görə, baş nazirin istefası hökumət tərəfindən qəbul olunub.
O, həmçinin bu vəzifəyə baş nazirin müavini, maliyyə və inkişaf naziri Mateuş Moravetskinin namizədliyinin irəli sürüləcəyini deyib.
“Beata Şidlo istefa verib. Biz istefa ərizəsini qəbul etmişik. Onun yerinə Mateuş Moravetskinin namizədliyinin irəli sürüləcək”, - deyə Beata Mazurek bildirib.
Ziya Səccad
Ölkə.Az
