ABŞ Belarusla barışır

Kubanın ardından amerikalılar Belarusla barışmağa qərar verib.

Ölkə.Az-ın "RİA Novosti" agentliyinə istinadən verdiyi xəbərə görə, ABŞ Dövlət Departamentinin baş katibinin müavini Viktoriya Nuland bəyan edib ki, Birləşmiş Ştatlar Belarusla dialoqa açıqdır. Onun sözlərinə görə, iki ölkə son illər ərzində kiçik qarşılıqlı addımlar atmağa müvəffəq olub.

"Mən sentyabrda BMT-nin Baş Assambleyasının sessiyasında Belarusun baş naziri ilə görüşmüşəm. Söhbət zamanı bildirdim ki, onlar Belarus üçün çoxlu işlər görüblər və Minsk brendini sülh danışıqlarının simvoluna çeviriblər", - deyə müavin qeyd edib.

Nuland qeyd edib ki, Belarus insan hüquqları və demokratikləşdirmənin daha çox müdafiə olunması yolunda irəliləməlidirlər.

Xatırladaq ki, Belarus prezidenti Aleksandr Lukaşenko Rusiya hökumətini ölkədə belarus şirkətlərin fəaliyyətini qadağan etməsini tənqid etmişdi. Lukaşenko bu addımın Gömrük ittifaqında əldə olunan razılaşmaya zidd olduğunu bildirmişdi.

Rəşid Mustafazadə

Ölkə.Az