Çin: "Rusiya müvəqqəti çətinlikləri dəf edəcək"

Çin Rusiyanın böhrandan çıxacağına inanır.

Ölkə.Az "RİA Novosti" agentliyinə istinadən xəbər verir ki, Çin Xalq Respublikası Xarici işlər nazirliyinin rəsmi nümayəndəsi ölkəsinin Rusiyaya olan inamını ifadə edib. Tsin Qan bildirib ki, Rusiya iqtisadi çətinlikləri dəf etməyə qadirdir.

Qanın sözlərinə görə, Çin rublun kursundakı dəyişikliklərə və vəziyyətin stabilləşdirilməsi üçün Rusiya hökumətinin atdığı addımlara diqqət yetirib.

"G20 ölkələri arasında Rusiyanın borcu ÜDM-ə nisbətdə aşağıdır. Bundan əlavə, Rusiya zəngin təbii resurslara, möhkəm sənaye bazasına malikdir. Məhz buna görə biz inanırıq ki, Rusiya müvəqqəti çətinlikləri dəf etməyə qadirdir", - deyə XİN-in rəsmi nümayəndəsi qeyd edib.

Rəşid Mustafazadə

Ölkə.Az