Avropa İttifaqı HƏMAS-ı terror təşkilatı kimi tanımaqda davam edir

Avropa İttifaqı (Aİ) bu yaxınlarda quruluşunun 27-ci ildönümünü qeyd edən HƏMAS-ı terror təşkilatı kimi tanımaqda davam edir.

Bu barədə açıqlamanı Aİ-nin xarici siyasət xidməti Avropa ədliyyə məhkəməsinin Fələstin islam təşkilatını terrorçuların “qara siyahısı”ndan çıxardılması barədə qərarından sonra verib.

Ölkə.Az azərtac-a istinadən xəbər verir ki, Avropa İttifaqı məhkəmənin bu qərarına apelyasiya verəcəyini də bildirib.

HƏMAS-ın nümayəndəsi Mussa Əbu Mərzuk təşkilatın müqavimət hərəkatı olduğunu və beynəlxalq hüquq nöqteyi-nəzərindən işğala qarşı mübarizə aparmaq üçün yaradıldığını qeyd edib.

İsrailin fikrincə isə HƏMAS bir terror təşkilatıdır və onun nizamnaməsində hədəf kimi İsrailin məhv edilməsi yer alıb.

Avropa İttifaqının terror təşkilatlarının “qara siyahı”sı 2001-ci il sentyabr terror aktlarından sonra tərtib edilib. Əvvəl həmin siyahıya HƏMAS-ın yalnız hərbi qanadı daxil edilsə də, 2003-cü ildə siyasi qandı da əlavə olunub.

Ölkə.Az