Gürcüstan prezidenti Avropa Parlamentinə təşəkkür etdi

Marqvelaşvili qətnaməyə görə Avroparlamentə təşəkkür edib.

Ölkə.Az gürcü mətbuatına istinadən xəbər verir ki, Gürcüstanın prezidenti Georgiy Marqvelaşvili Avropa Parlamentinin Gürcüstana dair qəbul etdiyi qətnaməyə görə təşəkkürünü bildirib. O, bu barədə Strasburqda keçirilən mətbuat konfransında çıxış edərkən bildirib.

Marqvelaşvilinin sözlərinə görə, qətnamədə digər məsələlərlə yanaşı, Gürcüstan üçün önəmli olan, ölkənin ərazi bütövlüyü və suverenliyinin dəstəklənməsi də əks olunub.

"Rusiyanın Abxaziya ilə müttəfiqlik və inteqrasina haqqında müqavilə imzalamasından sonra son 2 ay Gürcüstanın işğal olunmuş əraziləri xüsusilə ağır vəziyyətdədirlər. Mən məhz bu məqamın qətnamədə əks olunmasına görə Avropa Parlamentinə minnətdarlığımı ifadə etmək istəyirəm. Bu, humanitar nöqteyi nəzərindən regionda sabitliyin qorunması üçün çox mühümdür", - deyə Gürcüstan prezidenti qeyd edib.

Rəşid Mustafazadə

Ölkə.Az