“Bu addım Fələstin-İsrail sülh prosesinə xətt çəkə bilər”
“Ölkə.Az” xəbər verir ki, bu barəd Rusiya prezidenti Vladimir Putin Türkiyə prezidenti Türkiyə prezidenti Rəcəb Tayyib Ərdoğanla görüşdən sonra keçirilən mətbuat konfransında bildirib. Onun sözlərinə görə, Trampın bu qərarı Yaxın Şərqdə vəziyyətin gərginləşməsinə səbəb olacaq.
“İlk öncə bildirmək istəyirəm ki, Rusiya və Türkiyə rəhbərliyi D.Trampın bə qərarını səhv hesab edir. Biz hesab edirik ki, ABŞ rəhbərliyinin Yerusəlimi İsrailin paytaxtı tanımaq və səfirliyini oraya köçürmək qərarı Yaxın Şərqdəki vəziyyətin nizamlanmasına kömək etmir. Bu, əksinə, Yaxın Şərqdə onsuzda mürəkkəb vəziyyəti daha da gərginləşdirir. Bu addım Fələstin-İsrail sülh prosesinə xətt çəkə bilər”, - deyə Putin vurğulayıb.
Qeyd edək ki, dekabrın 11-də Rusiya prezidenti Vladimir Putin ilə Türkiyə prezidenti Rəcəb Tayyib Ərdoğan arasında görüş 2 saat davam edib. Görüşdən sonra iki lider jurnalistlər üçün mətbuat konfransı keçirib.
Xatırladaq ki, ABŞ Prezidenti Donald Tramp Amerikanın Qüds şəhərini İsrailin paytaxtı kimi tanıdığını elan edib. Onun sözlərinə görə, Qüdsü (Yerusəlim) İsrailin paytaxtı kimi tanımağın vaxtı gəlib çatıb.
“Qərara gəldim ki, Qüdsün İsrailin paytaxtı kimi tanınmasının vaxtı gəlib çatıb. Amerika bu addıma qarşı deyil və Qüdsü İsrailin paytaxtı kimi tanıyacaq”, deyə D.Tramp vurğulayıb.
Onun bu qərarını bir çox ölkələr hiddətlə qarşılayıblar. D.Trampın bu qərarından sonra həm Avropa ölkələrindən, həm Yaxın Şərq, həm də Ərəb dövlətlərindən ona etirazlar gəlib. İlk etiraz isə Fransa prezidentindən səsləndirilib. Daha sonra Türkiyə və İran Trampın bu qərarına pisləyib. İordaniya da ABŞ prezidenti Donald Trampı beynəlxalq qətnamələri pozmaqda günahlandırıb. Verilən açıqlamada bildirilib ki, Trampın bu qərarı siyasi səhvdir. Misir hökuməti də Trampınyeni bəyanatını xoş qarşılamayıb. Bildirilib ki, onun bu addımı həm Amerika, həm də region üçün yaxşı nəticələnməyəcək.
Ziya Səccad
Ölkə.Az
