Putin : "Ərdoğan "möhkəm kişidir""

Türkiyə Avropa İttifaqının təzyiq cəhdlərinin öhdəsindən gələcək.

Ölkə.Az xəbər verir ki, bu barədə Rusiya Federasiyasının prezidenti Vladimir Putin yekun mətbuat konfransında danışıb. Türkiyəli jurnalist Putinə iki ölkə arasında münasibətlərin necə davam edəcəyi barədə sual verib. Putin qeyd edib ki, Avropa İttifaqı Türkiyəni Rusiya əleyhinə sanksiyalara qoşulmaq üçün razılığa salmağa çalışır.

"Lakin Türkiyə müstəqil dövlətdir, Rəcəb Tayyıb Ərdoğan isə "möhkəm kişidir". Məhz buna görə, onlar bu cür təzyiq cəhdlərinin öhdəsindən gələcəklər. Rusiya və Türkiyənin çoxlu ortaq maraqlar var, bu səbəbdən də iki ölkə arasında əməkdaşlıq aktiv şəkildə inkişaf edəcək", - deyə Putin bildirib.

O bəyan edib ki, Şimali Kipr məsələsində Rusiya balanslaşdırılmış mövqedə dayanır.

"Moskva həm Afina, həm Ankara ilə dostluq edir, buna görə birtərəfli, kəskin mövqe seçə bilməz", - deyə RF prezidenti aydınlıq gətirib.

O, hər iki tərəfin razılığa gələcəyinə ümidini ifadə edərək, Rusiyanında bu məsələdə dəstək olacağını vəd edib.

Rəşid Mustafazadə

Ölkə.az