“ABŞ Bəşər Əsədin Suriyaya rəhbərlik etməsinə etiraz etmir”

“Ölkə.Az” xəbər verir ki, bu barədə Dövlət Departamentinin mətbuat xidmətinin rəhbəri Hezer Nauert bildirib. Onun sözlərinə görə, Rusiya hökuməti Suriya ilə bağlı keçirilən danışıqlarda B.Əsədin hakimiyyətdə qalması üçün çalışacaq. 

“Biz düşünürük ki, Rusiya bundan sonra da B.Əsədin hakimiyyətdə qalması üçün çalışacaq. Bu səbəbdən də, Rusiya Suriya ilə bağlı keçirilən bütün danışıqlarda Əsədin mənafeyini qoruyacaq”, - deyə Hezer Nauert bildirib.

Açıqlaması zamanı Hezer Nauert əlavə edib ki, Amerika da B.Əsədin 2012-ci il Suriyada keçiriləcək prezident seçkilərinə qədər hakimiyyətdə qalmasına etiraz etmir. Lakin o, vurğulayıb ki, ABŞ Suriyanın gələcək taleyində B.Əsədin iştirak etməsini istəmir.

“Biz Suriyanın bundan sonrakı taleyini Əsədin hakimiyyəti altında keçməsini istəmirik. Lakin bunu ABŞ yox, Suriya xalqı müəyyən etməlidir”, - deyə Hezer Nauert qeyd edib.

Son olaraq, Hezer Nauert əlavə edib ki, 2021-ci ildə keçiriləcək prezident seçkilərindən Əsədin yenidən rəhbər vəzifədə qalması düzgün olmazdı.

Ziya Səccad
Ölkə.Az