Netanyahudan İstanbul zirvəsinin qərarı barədə açıqlama
İsrailin baş naziri Benyamin Netanyahu İstanbulda keçirilən İƏT zirvə toplantısında Qüdslə bağlı qəbul edilən qərarla əlaqəli açıqlama verib.
"Ölkə.Az" xəbər verir ki, Netanyahu "bu qərarın bizə aidiyyatı yoxdur, bir çox ölkə səfirliyini Qüdsə köçürəcək"-deyib.
Netanyahu qeyd edib ki, nəticədə həqiqət qalib gələcək və bir çox ölkə İsraildəki səfirliyini Qüdsə köçürəcək. Bununla da bu ölkələr Qüdsü İsrailin paytaxtı kimi tanıyacaqlar.
Qərbi Qüdsdəki prezident sarayında tədbirdə iştirak edən baş nazir əlavə edib: "Qüds İsrailin paytaxtıdır. Bu müqəddəs şəhərdə bütün inanclara ibadət sərbəstliyi təqdim edilir. Fələstinlilər də bu reallığı qəbul edib ifratçılıq əvəzinə sülh üçün çalışsalar yaxşı olar".
Hikmət Həsənov
Ölkə.Az
