ABŞ Suriyada 20 İŞİD terrorçusunu məhv etdi
ABŞ-ın rəhbərlik etdiyi koalisiya qüvvələri Suriyanın At-Tanfa rayonunda əməliyyat keçirib.
“Ölkə.Az” xəbər verir ki, bu barədə koalisiya qüvvələrindən bildirilib. Verilən məlumata görə, keçirilən əməliyyat zamanı İŞİD terror təşkilatının döyüşçüləri hədəfə alınıb.
Terrorçuların gizləndiyi məntəqələr yerlə-yeksan edilib. Keçirilən əməliyyat nəticəsində 20 İŞİD üzvü məhv edilib. Çoxlu sayda terrorçu yaralı halda ələ keçib.
Qeyd edək ki, ABŞ-ın rəhbərlik etdiyi koalisiya qüvvələri 2014-cü ildən Suriyada İŞİD terrorçularına qarşı mübarizə aparır.
Ziya Səccad
Ölkə.Az