“4 qadına cinsi təcavüz edən Tramp istefa verməlidir”
ABŞ Senatında Demokratlar partiyasını təmsil edən senator Bernie Sanders Amerika rəhbəri Donald Trampın istefa verməli olduğunu deyib.
“Ölkə.Az” xəbər verir ki, senator CNN telekanalına verdiyi müsahibədə Trmapı əxlaqsız adlandırıb. Onun sözlərinə görə, Tramp əxlaqsızlığı ilə rəhbərliyə layiq insan deyil.
“Sizin prezidentiniz əxlaqsızdır. Bir çox qadın sizin rəhbəri zorlamada günahlandırır. Bütün Amerika xalqı sosial şəbəkələrdə yayılmış videoda Trampın qadınlara cinsi təcavüz etməsi və bunu fəxrlə deməsinin şahidi oldu. Bəli, mən düşünürəm ki, bu və digər çirkin əməllərə sahib olan şəxs istefa verməlidir. Lakin Tramp xoşluqla istefa verəcəkmi? Düşünürəm ki, yox, bu insan xoşluqla hakimiyyətdən əl çəkməyəcək”, - deyə B.Sanders bildirib.
Qeyd edək ki, indiyə qədər D.Trampı 4 qadın cinsi təcavüzdə günahlandırıb. Lakin Tramp bütün ittihamları rədd edib.
Ziya Səccad
Ölkə.Az
