Miqrantlar kütləvi şəkildə Rusiyanı tərk edir
"Miqrantların 25 faizi ölkəni yeni ildən sonra tərk etməyi planlaşdırır..."
Ölkə.Az İnterfaks agentliyinə istinadən xəbər verir ki, əmək miqrantları rublun zəifləməsinə görə Rusiyanı tərk edirlər. Rusiyanın Miqrantlar federasiyasının başçısı Məhəmməd Əmin bəyan edib ki, əmək miqrantları rublun düşməsi və rus dili imtahanına görə kütləvi şəkildə Rusiya Federasiyası ərazisini tərk edirlər.
"Bəli, miqrantlar Rusiyanı tərk edir. Bu gün miqrantların 25 faizi ölkəni yeni ildən sonra tərk etməyi və fəaliyyətlərini başqa ölkələrə köçürməyi planlaşdırır", - deyə Amin bildirib.
O bildirib ki, işçilərin əksəriyyətinin ölkədən getməsinin iki əsas səbəbi var: rublun düşməsi və gələn ildən vacib olan rus dili, tarix və Rusiya qanunvericiliyi üzrə əmk miqrantları üçün nəzərdə tutulmuş test imtahanıdır. Bununla yanaşı, başçı qeyd edib ki, ölkədə qalan qanunsuz miqrantların sayı yalnız arta bilər.
Rəşid Mustafazadə
Ölkə.Az
