Əli Əkbər Vilayəti: "Tehran islam birliyinin qorunması üçün hər cür səy göstərəcək"

Vilayəti bir daha İranın Suriyanı terrorla mübarizədə dəstəklədiyini təsdiq edib.

Ölkə.Az FARS agentliyinə istinadən xəbər verir ki, İran islam inqilabının mənəvi liderinin beynəlxalq məsələlər üzrə müşaviri Əli Əkbər Vilayəti bir daha ölkəsinin Suriya hökuməti və xalqını terror qruplaşmaları ilə mübarizədə tam dəstəklədiyini təsdiq edib. O qeyd edib ki, böhranın nizamlanması xaricdən hər hansı müdaxilələr olmadan, suriya xalqının öz əlində olmalıdır.

Müsahibə zamanı Vialyəti bəyan edib ki, xarici işğalçılar və müdaxilələrlə mübarizədə xalqlara yardım etmək İranın konstitusiya ilə müəyyən olunmuş borcudur.

"İran İslam Respublikası region xalqlarının qəhrəmancasına apardığı müqavimətə dəstək verməyə davam edəcək", - deyə müşavir bildirib.

Əli Əkbər Vilayəti onu da qeyd edib ki, Tehran regionda olan münaqişələrin nizamlanması və hər hansı xarixi müdaxilə olmadan islam irliyinin qorunması üçün hər cür səy göstərəcək.

Rəşid Mustafazadə

Ölkə.Az