İspaniyada bazarda partlayış
İspaniyada mərkəzi bazarlardan birində partlayış baş verib.
“Ölkə.Az” xəbər verir ki, bu barədə yerli mətbuat məlumat yayıb. Verilən məlumata görə, hadisə Mursiya yaşayış məntəqəsində qeydə alınıb.
Bu barədə ölkənin Fövqəladə Hallar Nazirliyinin mətbuat katibi Xuan Boyanas mətbuata bildirib. Onun sözlərinə görə, bazarda güclü partlayış və ardından yanğın baş verib.
“Butan qazı ilə dolu balon ərzaq bazarında partlayıb. Daha sonra yanğın baş verib. Bu barədə “112” saylı telefona məlumat daxil olub. Əraziyə dərhal yanğınsöndürənlər cəlb olunublar. Bazardakı sakinlər təxliyyə edilib. Yanğın söndürülüb”, - deyə Xuan Boyanas bildirib.
Hadisə zamanı bir nəfərin xəsarət aldığı qeyd edilib.
Faktla bağlı araşdırma aparılır.
Ziya Səccad
Ölkə.Az
