Kseniya Sobçakdan seçkilərlə bağlı

“Ölkə.Az” xəbər verir ki, bu barədə aparıcının özü bildirib. Onun sözlərinə görə, artıq bu istiqamətlərdə işə başlayıb.

“Mən artıq bu istiqamətdə işə başlamışam. Artıq Rusiyanın müxtəlif bölgələrində 45 plakat vurdurmuşam. Biz qərar vermişik ki, hər həftə ölkənin ən ucqar bölgələrinə səyahət edək və seçicilərlə görüşək. Mən artıq insanların problemlərini öyrənmişəm. Onlarla şəxsən tanış olmaq və istəklərini bilmək istəyirəm”, - deyə K.Sobçak bildirib.

Qeyd edək ki, ötən gün Kseniya Sobçak Sankt-Peterburqda tərəfdarları üçün mitinq keçirtmək istəyib. Onun sözlərinə görə, mitinq keçirtmək istəyini reallaşdıra bilməyib.

“Mənə tərəfdarlarımla görüş üçün imkan yaratmadılar. Sankt-Peterburqda mitinq keçirtməyə imkan vermədilər. Halbuki bu gündən mənim Sankt-Peterburqda namizəd kimi təşviqatım başlanmalı idi və tərəfdarlarıma açıq məktublar verilməliydi. Şəhər rəhbərliyi mitinqin keçirilməsinə qətiliklə uydurma səbəblərdən imtina edib. Sən demə belə yerlərdə tədbirlər keçirtmək olmaz. Çünki bu yerlər məmurlaırn “qorxulu yuxuları” olub”, - deyə Kseniya Sobçak bildirib.

Xatırladaq ki, Rusiyada növbəti prezident seçkiləri 2018-ci ilin martında keçiriləcək. Seçki kampaniyası dekabr ayında başlamalıdır.
 
Ziya Səccad
Ölkə.Az