Trampın qərarına etiraz edən türklərin İsraildə məhkəməsi keçirilib

“Ölkə.Az” xəbər verir ki, etirazk aksiyalarında iştirak edən türklər polisə tabe olmadıqlarına görə həbs ediliblər. Türklərin dekabrın 25-də məhkəməsi keçirilib. Məhkəməyə çıxarılan Abdullah Kızılırmak və Mehmet Gargılı barədə qərar verilib. Məhkəmə Türkiyə vətəndaşlarının ölkədən deportasiya edilməsilə bağlı qərar verib. Qərara görə, adları qeyd edilən türklərin ölkəyə girişi qadağan edilib.

Qeyd edək ki, ABŞ Prezidenti Donald Tramp Amerikanın Qüds şəhərini İsrailin paytaxtı kimi tanıdığını elan edib. Onun sözlərinə görə, Qüdsü (Yerusəlim) İsrailin paytaxtı kimi tanımağın vaxtı gəlib çatıb.

“Qərara gəldim ki, Qüdsün İsrailin paytaxtı kimi tanınmasının vaxtı gəlib çatıb. Amerika bu addıma qarşı deyil və Qüdsü İsrailin paytaxtı kimi tanıyacaq”, deyə D.Tramp vurğulayıb.

Trampın bu qərarını bir çox ölkələr hiddətlə qarşılayıblar. D.Trampın bu qərarından sonra həm Avropa ölkələrindən, həm Yaxın Şərq, həm də Ərəb dövlətlərindən ona etirazlar gəlib. İlk etiraz isə Fransa prezidentindən səsləndirilib. Daha sonra Türkiyə və İran Trampın bu qərarına pisləyib. İordaniya da ABŞ prezidenti Donald Trampı beynəlxalq qətnamələri pozmaqda günahlandırıb. Verilən açıqlamada bildirilib ki, Trampın bu qərarı siyasi səhvdir. Misir hökuməti də Trampın yeni bəyanatını xoş qarşılamayıb. Bildirilib ki, onun bu addımı həm Amerika, həm də region üçün yaxşı nəticələnməyəcək.

Ziya Səccad
Ölkə.Az