Obamadan Rusiya və Krıma qarşı yeni sanksiyalar

ABŞ Rusiya və Krıma qarşı yeni sanksiyalar tətbiq edib.

Ölkə.Az Ağ Evin rəsmi saytına istinadən xəbər verir ki, ABŞ prezidenti Barak Obama Rusiya və Krıma qarşı sanksiyaları nəzərdə tutan sərəncam imzalayıb. Sənədə əsasən, Krım yarımadası iqtisadi blokadaya salınır. Belə ki, Krımın ərazisinə hər hansı amerika malları, texnologiya və xidmətlərin ixracatı qadağan olunur. Krım yarımadası Ukraynanın bir bölgəsi kimi göstərilib və onun Rusiyaya birləşdirilməsi işğal və anneksiyaya cəhd kimi qiymətləndirilib. ABŞ-la yanaşı, Kanada da Rusiyaya qarşı yeni sanksiyalar tətbiq edib.

Ağ Evin rəsm saytında bildirilir ki, yeni qadağa tədbirləri Krımda fəaliyyət göstərən həm fiziki, həm hüquqi şəxslərə şamil olunur. ABŞ vətəndaşları o şəxslərlə iş əlaqəsi qura bilməz.

Sanksiyaların təsirinə düşən fiziki şəxslərin tam siyahısı ABŞ Maliyyə nazirliyinin rəsmi saytında yerləşdirilib. Onların sırasında Krımın prokuroru Natalya Poklonskaya da yer alıb.

Qəbul olunan sənədin məqsədi regionda biznes aparan amerikan korporasiyalarına vəziyyəti izah etməklə yanaşı, ABŞ-ın Rusiyanın Krımı işğal etməsi və anneksiyaya cəhdini qəbul etməyəcəyini təsdiq etməkdir.

Rəşid Mustafazadə

Ölkə.Az