Poroşenko BVF-dən növbəti dəfə pul istədi

Poroşenko öhdəliklərin yerinə yetiriləcəyinə əmin edib.

Ölkə.Az xarici mətbuata istinadən xəbər verir ki, Ukrayna prezidenti Pyotr Poroşenko Beynəlxalq Valyuta Fondunun icraçı direktoru Kristin Laqardla telefon danışığında ölkəsi üçün maliyyə yardımının artırılması məsələsinə baxılmasını xahiş edib.

Telefon danışığında Ukraynada iqtisadi vəziyyət və BVF-nun proqramı çərçivəsində tərəflərin öhdəlikləri yerinə yetirməsi müzakirə olunub.

Kristian Laqard Ukraynaya dəstəyini ifadə edərək, yeni hökumət və parlament koalisiyasının formalaşdırılmasını müsbət dəyərləndirib. O hesab edir ki, bu addım islahatların həyata keçirilməsi və Ukraynada maliyyə-iqtisadi vəziyyətin sabitləşməsinə kömək edəcək.

Poroşenko Ukraynanın BVF-da qarşısında olan öhdəliklərin yerinə yetiriləcəyinə əmin edib.

Rəşid Mustafazadə

Ölkə.Az