İranda etiraz aksiyalarında polisə atəş açıblar
“Ölkə.Az” xəbər verir ki, bu barədə İRİB telekanalı məlumat yayıb. Verilən məlumatlara görə, aksiyada hüquq-mühafizə orqanlarının əməkdaşları silahlı hücuma məruz qalıblar. Hadisə İsfahanda qeydə alınıb.
“İğtişaşçılar polisə atəş açıblar. Nəticədə 1 nəfər ölüb, 3 nəfər yaralanıb. Etiraz iştirakçıları əsasən ov tüfəngindən istifadə ediblər. Polis də onlara qarşı silah tətbiq edib”, - deyə məlumatda bildirilib.
Qeyd edək ki, İranın Tehran, Məşhəd, İsfahan, Rəşt kimi iri şəhərlərində dekabrın 28-dən sosial narazılıqla bağlı kütləvi aksiyalar keçirilir. Etiraz aksiyaları zamanı ölənlərin sayı 12 nəfərə çatıb. Prezident Həsən Ruhani bildirib ki, narazılıqlara ölkənin daxili problemləri, həmçinin İranın xaricindəki təhrikçi qüvvələr səbəb olub.
Ziya Səccad
Ölkə.Az
