Əfqanıstanda 9 "Taliban" döyüşçüsü öldürüldü
Əfqanıstanın təhlükəsizlik qüvvələrinin Gilmənd vilayətində keçirdiyi xüsusi əməliyyat nəticəsində "Taliban" radikal qruplaşmasının 9 döyüşçüsü öldürülüb.
"Ölkə.Az" "Report"a istinadən xəbər verir ki, bu barədə Milli Təhlükəsizlik Xidmətinin bəyanatında məlumat verilib.
Məlumatda qeyd edilir ki, əməliyyat zamanı daha 18 silahlı yaralanıb.
Həmçinin bildirilir ki, "Taliban" qruplaşmasının 3 səhra komandiri tutulub. Bununla yanaşı, silah və partlayıcı qurğular ələ keçirilib.
