Vurulan təyyarə ilə bağlı şok faktlar

Rusiya mətbuatı bu ilin iyulunda Donetsk vilayətində vurulan “Malaysia Airlines” aviaşirkətinə məxsus "Boeing-777" təyyarəsi ilə bağlı yeni iddia ortaya atıb.

Ölkə.Az qafqazinfo-ya istinadən xəbər verir ki, adının açıqlanmasını istəməyən gizli şahid redaksiyaya gələrək vurulan təyyarə ilə bağlı yeni faktlar açıqlayıb. Onun sözlərinə görə, “Boeing-777” əslində ukraynalı pilot kapitan Voloşin tərəfindən “Su-25” göy-göy” raketi ilə vurulub. Gizli şahid bildirib ki, hadisə baş verən gün pilot Voloşinlə digər pilot arasında belə bir dialoq gedir və Voloşin “o təyyarə deyil” cavabını verir. Daha sonra isə Voloşindən “təyyarə necə oldu?” soruşulduqda o, “təyyarə lazımsız vaxtda və lazımsız yerdə idi” cavabını verib.

Qeyd edək ki, gizli şahid üzə çıxandan dərhal sonra Rusiya İstintaq Komitəsi məlumatın doğruluğunu yoxlamaq üçün yoxlamaya başlayıb.

Xatırladaq ki, iyulun 17-si vurulan təyyarənin göyərtəsində 295 nəfər vardı ki, onların da 80-i uşaq olub. Təyyarə Donetsk vilayətinin Qrabovo yaşayış məntəqəsi yaxınlığında yerə düşüb.

Ölkə.Az