Putinin yeni ölümcül silahı
Rusiya 10 il üzərində çalışdığı raket daşıyıcısı "Angara-A5"i uğurla sınaqdan keçirib.
Rusiya prezidenti Vladimir Putin yeni raket daşıyıcılarının ölkənin müdafiə qabiliyyətinin artıracağını bildirib.
"Angara-A5"-in sınağı Rusiyanın şərqində yerləşən Plesetsk poliqonunda keçirilib. Putin raket daşıcıyının sınağını Moskvadan video konfranla izləyib. Sınaqdan öncə Putin müdafiə naziri Sergey Şoyqudan "Angara-A5" ilə bağlı məlumatlar alıb.
Uğurlu sınaqdan sonra Putin bunu Rusiya üçün çox önəmli hadisə adlandırıb:
"Angara-A5" ağır raket daşıyıcısı yalnız iqtisadi ehtiyacları üçün deyil, Rusiya və Kollektiv Təhlükəsizlik Müqaviləsi Təşkilatı ölkələrinin müdafiə gücünü artıracaq".
Rusiyanın "Angara-A5" raket daşıyıcısıyla kosmosda istədiyi bölgəyə peyk yerleşdirə biləcəyini bildirən Putin son 10 ildə raket daşıyıcısının inkişaf etdirilməsi üçün görülən işlərə qiymət verib.
"Angara-A5" raket daşıyıcısı ola biləcək raket hücumlarından xəbərdarlıq, kəşfiyyat, naviqasiya və rabitə sisteminin təmin edilməsində istifadə edilə biləcək.
Rusiya iyul ayında orta mənzilli "Angara" raket daşıyıcısının sınağını həyata keçirmişdi. (anspress)
Ölkə.Az
