1000 İŞİD-çi öldürülüb

Suriyada İŞİD yaraqlılarının mövqelərinə ABŞ-ın hava hücumlarında son 3 ayda 1171 nəfər ölüb.

Bunu Böyük Britaniyaya bağlı Suriya Müşahidə qrupu bildirir.

Təşkilatın məlumatına görə, ölənlərdən 52 nəfəri mülki şəxsdir. Qalanların hamısı yaraqlılardır. Dekabrın 15-nə olan məlumata görə, ABŞ yaraqlıların mövqeyinə indiyə kimi 488 hava zərbəsi endirib. 

Qeyd edək ki, ABŞ-ın rəhbərlik etdiyi koalisiyaya 40-a yaxın ölkə, o cümlədən ərəb ölkələri də daxildir. Son günlər ABŞ və koalisiya qüvvələri, Suriya və İraqdakı İŞİD hədəflərinə qarşı hava hücumlarını çoxaldıb. Döyüş təyyarələri Suriyada əsasən Kobani ətrafı və Rakkanı, İraqda isə Kərkük ətrafı, Baij, Sincar yaxınlığı, Mosul, Qaim, Telafer, Ramadi, Beyci, Rava şəhərlərində olan İŞİD mövqelərini bombalayır. (anspress)

Ölkə.Az