ABŞ-da polis daha bir qaradərili gənci öldürdü
ABŞ-ın Missuri ştatında 18 yaşlı qaradərili gənc polis tərəfindən güllələnib.
Hadisə yanacaqdoldurma məntəqəsi ərazisində baş verib. Polisin iddiasına görə, o, özünümüdafiə məqsədi ilə atəş açıb.
Məlumata görə, patrul zamanı polis əməkdaşı iki naməlum kişini görüb və onlardan sənəd xahiş edib. Lakin dairə polisinin rəisi Con Belmarın sözlərinə görə, onlardan biri bu zaman polisə tapança tuşlayıb. Bundan sonra polis hədəfə üç dəfə atəş açıb. İkinci kişi isə qaçıb. Öldürülən gəncin silahı hadisə yerində aşkar edilib.
“Reuters” həlak olan oğlanın anasına istinadla bildirir ki, bu, 18 yaşlı Antonio Martin olub. Polis şefi onun dəfələrlə saxlanıldığını söyləyib. Olaydan dərhal sonra yanacaqdoldurma məntəqəsinə insanlar axışıb və etiraz ediblər. Polis naryadı gəlib və 3 nəfəri saxlayıb. Polis əməkdaşlarından biri isə petardanın partlanması nəticəsində yaralanıb. (musavat)
Ölkə.Az
