Kürdlər İŞİD-in iki pilotsuz təyyarəsini vurdu
Məlumata görə pilotsuz təyyarələr Kobani üzərində kəşfiyyat uçuşları keçirirmişlər.
Ölkə.az "İtar-TASS" agentliyinə istinadən xəbər verir ki, iki ədəd DGI Phantom-2 tipli pilotsuz təyyarəsi Kobanini qoruyan kürd yaraqlıları tərəfindən vurulub.
"Əl-Mayadin" radiostansiyasının verdiyi xəbərdə isə həmin pilotsuz təyyarələrin İŞİD-in Mosulu tutduğu vaxt şəhərdəki İraq ordusuna aid bir hərbi bazadan oğurlandığı bildirilir.
Xatırladırıq ki Kobani yaxınlığında kürdlərlə İŞİD yaraqlıları arasında gedən döyüşlər səngimək bilmir. Yayılan xəbərlərə görə döyüşlərdə məşhur İŞİD komandiri Əbu Musaba ər-Rumeyli öldürülüb. Səudiyyə əsilli ər-Rumeylinin Kobani cəbhəsində döyüşən İD qüvvələrinin ən yüksək vəzifəli şəxslərindən biri olduğu qeyd olunur.
Ölkə.az
