Rusiya və İran prezidentləri Yəmən böhranını müzakirə etdilər
Rusiya Federasiyasının prezidenti Vladimir Putin ilə İran prezidenti Həsən Ruhani arasında telefon danışığı baş tutub.
"Ölkə.Az" xəbər verir ki, liderlər danışıq zamanı Yəməndəki böhranın sülh yolu ilə dərhal həll edilməsinin vacibliyini vurğulayıblar.
İranın prezidentinin mətbuat xidmətinin açıqladığı məlumatda deyilir: "Ruhani yəmən xalqının çətin vəziyyəti, bombardmanın davam etməsi barədə danışıb. İran lideri qqeyd edib ki, Yəmənin günahsız xalqına böhranın həllində kömək etmək lazımdır".
Ruhani eyni zamanda ABŞ və Səudiyyə Ərəbistanı tərəfindən səsləndirilən "İran Yəmənə raket verir" iddialarını da yalanlayıb. İran prezidenti qeyd edib ki, bu ittihamlar əsassızdır və təxribat xarakteri daşıyır.
Putin də öz növbəsində Yəməndəki vəziyyətin narahatçılıq doğurduğunu, böhranın sülh yolu ilə həllinin vacibliyindən danışıb.
Hikmət Həsənov
Ölkə.Az
