Buş xəstəxanaya yerləşdirildi

ABŞ-ın keçmiş preidenti Corc Buş xəstəxanaya yerləşdirilib.

Ölkə.Az "The Daily Herald"-a istinadən xəbər verir ki, ABŞ-ın keçmiş prezidenti, 90 yaşlı Corc Buş artıq 4-cü gündür ki, Hyustondakı xəstəxanadadır. Sabiq prezidentin mətbuat katibi bildirib ki, o, nəfəs borularında yaranan problemlərə görə xəstəxanaya yerləşdirilib, lakin hal-hazırda onun vəziyyəti daha yaxşıdır. Mətbuat katibi Cim Makqraqın sözlərinə görə, Buş bir müddət Hyustonda qalmalı olacaq.

Xatırladaq ki, Corc Buş 1989-1993-cü illər arası ABŞ-ın prezidenti vəzifəsini icra edib. O, Parkinson xəstəliyindən əziyyət çəkir. Buna baxmayaraq, 90 yaşlı Buş paraşütla tullanmağı bacarıb.

Rəşid Mustafazadə

Ölkə.Az