"Əl-Qaidə" ABŞ və Britaniya təyyarələrini partlatmağa çağırdı

Jurnalın əsas məqsədi ingilisdilli müsəlmanları terror aktlarına cəlb etməkdir.

Ölkə.Az Ynetnews.-a istinadən xəbər verir ki, "Ərəbistan yarımadasında Əl-Qaidə" terror təşkilatı "Inspire" adlı jurnalının son buraxılışında "kamikadze"-ləri təyyarələri partlatmağa çağırıb.

Terrorçuların fikrincə, "tənha canavarların" hücümü üçün daha əlverişli olan amerikan şirkətlərinə "Delta", "American Airlines" və "United", eyni zamanda, Avropada fəaliyyət göstərən "EasyJet", "Air France" və "British Airways"-dir.

Ynetnews.-un verdiyi məlumata görə, "EasyJet" aviaşirkətinin hədəf seçilməsinə səbəb kimi onun çoxlu sayda sərnişin daşıması və büdcəyə malik şirkət olmasıdır. "British Airways" isə Böyük Britaniyanın iri aviaşirkətlərindən biridir. Həmçinin, qeyd olunur ki, hücümlar üçün ABŞ və Britaniya, sonuncu növbədə isə fransız şirkətləri prioritet sayılır. Eyni zamanda, "Əl-Qaidə" terror təşkilatı hücumları digər terrorçularla əlaqə quraraq yox, fərdi şəkildə həyata keçirməyi tövsiyə edib.

Böyük Britaniyanın Daxili işlər nazirliyində bəyan ediblər ki, məsələ ilə bağlı məlumat var və xüsusi orqanlar lazımi tədbirləri görürlər.

Qeyd edək ki, "Ərəbistan yarımadasında Əl-Qaidə"-nin "Inspire" jurnalı 2010-cu ildən nəşr olunur. Jurnalın əsas məqsədi ingilisdilli müsəlmanları radikallaşdırmaq və onları terror aktlarına cəlb etməkdir.

Rəşid Mustafazadə

Ölkə.Az