Ukraynalı əsirlərlə bağlı şok faktlar üzə çıxdı
Könüllü xanım azad olunan ukraynalı əsirlərlə bağlı dəhşətli faktlar açıqlayıb.
Ölkə.Az-ın Ukrayna mətbuatına istinadən verdiyi xəbərə görə, könüllü kimi fəaliyyət göstərən Yelena Suyetova adlı xanım bəyan edib ki, 146 nəfər azad olunan əsirlərin bir hissəsi kastrasiya olunub, bir nəfər isə başına gətirilənlərdən sonra psixoloji cəhətdən dözmədiyi üçün intihar edib. Suyetova şəxsi Facebook hesabında yazaraq bildirib ki, kastrasiya əməliyyatı terrorçularla əməkdaşlıq edən həkimlər tərəfindən həyata keçirilib.
"Bir neçə gün öncə Pyotr Poroşenkonun da qarşıladığı azad edilmiş 146 nəfər əsirdən bir hissəsinin kastrasiya olunduğu məlum olmuşdu. Gənc, sağlam oğlanlar idi...O oğlanlardan biri psixoloji cəhətdə dözmədiyi üçün, dünən intihar edib", - deyə Suyetova qeyd edib.
Xatırladaq ki, dekabrın 26-sı Ukraynanın Təhlükəsizlik Xidməti əsirlikdən azad edilmiş 146 nəfər vətəndaşın adlarının siyahısını açıqlamışdı.
Rəşid Mustafazadə
Ölkə.Az
