ATƏT-də sədrlik Serbiyaya keçdi

Ukraynadakı böhranın həlli prioritet olacaq.

2015-ci ilin yanvarın 1-dən Serbiya Avropada Təhlükəsizlik və Əməkdaşlıq Təşkilatında (ATƏT) sədrliyi rəsmi olaraq öz üzərinə götürdü. Serbiyaya sədrlik İsveçrədən keçdi.

Təşkilatın sədri funksiyaları İsveçrənin xarici işlər naziri Didye Burkxalterdən Serbiyanın XİN başçısı İvista Daçiçə keçib. Sədrin dəyişməsi hər il rotasiya əsasında baş verir.

Daçiçin bildirdiyinə görə, təşkilatın 2015-ci ildə ilk tədbiri yanvarın 15-də ATƏT-in Daimi Şurasının iclası olacaq. Təşkilatın Nazirlər Şurasının illik iclası isə 2015-ci ilin 3-4 dekabr tarixində Belqradda keçiriləcək.

Serbiyanın XİN başçısı qeyd edib ki, missiyasına öz ölkəsi üçün böyük əhəmiyyət verir. Onun fikrincə, ölkəsi özünün dəyişməz siyasi mövqelərini bir daha təsdiq etmək üçün imkan əldə edib.

Daçiçin dəfələrlə bəyan etdiyi kimi, Serbiyanın ATƏT-dəki sədrliyinin prioriteti Ukraynadakı böhranın həlli olacaq./Oxu.az/

Ölkə.Az