Tarixin açılmayan sirri
Bu hadisə bu günə qədər müəmma olaraq qalıb. Hitlerin ən yaxın dostlarından və sadiq silahdaşlarından olan Gebbelsin uşaqlarının ölümü hələ də sirr olaraq qalıb.
11 yaşlı Helqa, 11 yaşlı Hilde, 8 yaşlı Holde, 6 yaşlı Hedda, 4 yaşlı Hayde və ailənin yeganə oğlan övladı 9 yaşlı Helmut. Uşaqların hamısının adı Hitlerin adının baş hərfi H-nın şərəfinə adlandırılıb.
1945-ci ilin payız ayının sonu, Berlin şəhəri. “Rechskanzlei” binasının altında Hitlerin bunkeri var. Məkan xüsusən də uşaqlar üçün yaxşı yer sayılmır. Çünki onlar bir neçə həftə əvvəl Berlindən çox uzaqda, gözəl bir məkanda yaşayırdılar.
İndi isə rus əskərlərinin bir neçə metrliyində bunkerə sığınıblar. Hamı Gebbelsə uşaqları daha təhlükəsiz yerə göndərməyi tövsiyə edirdi. Alman pilot Hanna Gebbelsin xanımına deyib:
“Aman Allahım” Xanım Gebbels, uşaqlar burada qala bilməzlər”.
Xanım Gebbels isə kifayət qədər qətiyyətli idi:
“Utanc və təhqir içində yaşamaqdansa, ölsələr daha yaxşıdır”.
Gebbels düşünürdü ki, əgər övladları Sovet əskərlərinin əlinə keçsə, beyinlərini yuyaraq kommunist olacaqlar. Bu səbəbdən bunkerdə intihar etməyi düşünürdü. Gebbels Berlini tərk etmək barədə əmr alsa da, bunu etmədi. Onun xanımı və uşaqları da Gebbelsin sığınacaqda ölmək barədə verdikləri qərarı dəstəkləyirdilər. Maqda və Yozef Gebbels ertəsi gün Helmut Kunz adlı stomatoloqa tapşırıq verdilər.
Kunzun işi ailənin altı uşağına morfin vuraraq onları sakitləşdirmək, sonradan isə sianid zəhəri ilə uşaqları zəhərləmək idi.
Kunz sonradan ifadə verərək uşaqlara zəhəri Maqda və Fürerin şəxsi həkimi Ludviq Stampfegger tərəfindən verildiyini bildirib.
Bunkerin radio və telefon operatoru Roxus Miş isə Stampfeggerin uşaqlara şirin dərman içirtdiyini Verner Naumandan eşitdiyini bildirib. Amma eyni zamanda uşaqlara səhər saatlarında Berxtesqadenə getmək üçün bunkerdən ayrılacaqları söylənmişdi.
Maqda isə uşaqlara daha sağlam olmaq üçün peyvənd edilmək lazım olduğunu bildirmişdi. Yazıçı Ceyms Odonnelin fikrinə görə, uşaqları əsas qətlə yetirən şəxs Maqdadır. İddialara görə, Maqda uşaqları öldürmək üçün bir ay əvvəldən plan qurubmuş.
Amma Stampfegger hadisə şahidləri üçün daha yaxşı bir hədəf idi. Çünki o, bir gün sonra öldü. Maqda isə ölümün uşaqları üçün daha faydalı olduğunu düşünürdü.
Maqda övladlarının atalarının əsrin ən böyük qatili olduğunu eşidərək böyümələrini istəmirdi və reinkarnasiya nəticəsində daha yaxşı bir həyat sürəcəklərinə inanırdı. Hanna bunkerdə olduğu günlər barədə deyib:
“Maqda dedi ki, əgər uşaqlarımı öldürmək fikrinə düşsəm, geri addım atmaq üçün bir an belə düşünməyəcəyimə dair mənə söz ver”.
Bir çoxları Gebbels ailəsinə uşaqları Berlindən uzaqlaşdırmağı məsləhət görürdü. Uşaqlar isə azyaşlı olduqları üçün yaxınlaşan təhlükəni başa düşmürdülər və onlara nə olacağını soruşurdular.
Uşaqları sonuncu dəfə görən insanlardan biri də Roxus Mişdir.
Miş qeyd edib ki, uşaqlar otaqda oturublar və anaları onların saçını darayıb, pijamalarını geyindirib. Helqa isə sakit səslə ağlayırdı.
4 yaşlı Haydinin isə son sözü bu oldu: “Misch, Misch, du bist ein Fish!”
Bu cümlə alman dilindən tərcümədə “Miş, sən bir balıqsan” deməkdir.
Sonradan Maqda uşaqları yuxarı mərtəbəyə aparır. Miş o vaxt nəyinsə baş verdiyini, məsələyə müdaxilə etmədiyi üçün peşman olduğunu bildirib.
Uşaqların meyiti yatdıqları çarpayılarda tapılıb. Uşaqların meyitini isə bunkerə girən Sovet əskərləri tapıb. Helqanın üzərində zorakılıq əlamətləri var idi və onun qatili ilə mübarizə apardığı məlum olub. Ehtimal edilir ki, qatil Helqaya sianid zəhərini içirtməyə çalışanda o, mübarizə aparıb.
Bu cinayətin dəqiq kim tərəfindən törədildiyi hələ də məlum deyil və hadisə dünya tarixində qara bir ləkədir...
Hikmət Həsənov
Ölkə.Az
