Ərdoğandan Lavrova sərt cavab: “Biz daha yaxşı bilirik”
Türkiyə prezidenti Ərdoğan Rusiyanın XİN rəhbəri Sergey Lavrovun “Türkiyə Afrini Suriya hökumətinə təhvil verməlidir” açıqlamasına cavab verib.
“Ölkə.Az” xəbər verir ki, Ərdoğan bu açıqlamanın çox yanlış olduğunu, Afrini kimə verəcəyini Türkiyənin daha yaxşı bildiyini qeyd edib.
“Bu açıqlama çox yanlışdır. Afrini kimə verəcəyimizi biz çox yaxşı bilirik. Əvvəlcə Suriyada hazırda başqa ölkələrin nəzarəti altında olan yerlərin Suriyaya təhvil verilməsi müzakirə edilsin. “O yerləri rejim verdi” ifadəsi bizi qane etməz. Lazım gəlsə, biz Afrini afrinlilərə təhvil verərik. Amma bunun vaxtını biz bilirik, biz təyin edərik. Hörmətli Lavrovun işi deyil bu”, - deyə Ərdoğan bildirib.
Hikmət Həsənov
Ölkə.Az
