Şimali Koreya nüvə sınaqlarına başlayacaq

ABŞ: "Şimali Koreya yaxın iki ildə nüvə silahının sınağını həyata keçirə bilər"

Ölkə.Az xəbər verir ki, Vaşinqtonun Beynəlxalq strateji tədqiqatlar mərkəzinin müstəqil ekspertlərinin fikrinə görə, KXDR hökuməti yaxın iki il ərzində bir neçə ballistik raketin buraxılması və yeni nüvə sınaqlarının keçirilməsini reallaşdıra bilər.

"ABŞ prezidenti administrasiyası Koreya yarımadası ilə bağlı qalan 2 il ərzində nələri nəzərə almalıdır? Birincisi, çöx güman ki, ABŞ bir neçə ballistik raketin buraxılması və yeni nüvə sınaqlarının keçirilməsinin şahidi olacaq", - deyə tanınmış analitik, ABŞ-ın Milli təhlükəsizlik şurasının keçmiş əməkdaşı Viktor Ça hesabatda bildirib.

Ekspertin fikrincə, sınaqlar həm ABŞ və Cənubi Koreya silahlı qüvvələrinin keçirdiyi birgə təlimlərə, BMT-nin Təhlükəsizlik Şurasının Şimali Koreyada insan hüquqlarının qorunmasına dair etdiyi hərəkətlərə cavab, həm də Qərbin gözlənilən düşmənçilik addımlarına qarşılıq kimi qiymətləndirilə bilər.

Cənubi Koreya hərbçiləri KXDR-in gələcəkdə ballistik raketə quraşdıqmaq məqsədilə nüvə başlığının ölçülərini kiçiltməyə imkan verən kifayət qədər lazımi texniki imkanlara sahib olduğunu da istisna etməyiblər.

Rəşid Mustafazadə

Ölkə.Az