Almaniya Yunanıstanı avrozonadan çıxarmaq istəyir?

KİV: Almaniya Yunanıstanın avrozonadan çıxarılması ssenarisini hazırlayır.

Ölkə.Az "Bild"-a istinadən xəbər verir ki, Almaniya hökuməti hal-hazırda Yunanıstanın avrozonadan çıxarılması ssenarisi üzərində işləyir. Bildirilir ki, Almaniya kansleri Angela Merkel hadisələrin bu cür gedişatına yalnız Aleksis Siprasın müxalif partiyasının 25 yanvar parlament seçkilərində qalib olduğu təqdirdə imkan verəcək. Siprasın hökuməti sərt iqtisadiyyatdan imtina etməyi və dövlət borcunu ödəməyi planlaşdırır. Bu halda rəsmi Berlin Yunanıstana ayırdığı 10 milyardlıq avroluq maliyyə yardımını dayandıracaq.

Ekspertlər hesab edir ki, Yunanıstanın avrozonadan çıxacağı halda yunan banklarında müştərilərin çoxluğundan kollaps yaşanacaq. Nəticədə Avropa bank ittifaqı Yunanıstana bir neçə milyardlıq yardım ayırmağa məcbur qalacaq.

Rəşid Mustafazadə

Ölkə.Az